ЛЕТОПИСНЫЙ РАССКАЗ О СРАЖЕНИИ НА НЕВЕ

Из Синодального списка Новгородской Первой летописи старшего извода *

В лѣто 6748 (1240). Придоша Свѣи в силѣ велицѣ, и Мурмане, и Сумъ, и Ъмь в кораблихъ множьство много зелѣ; Свѣи съ княземь и съ пискупы своими; и сташа в Невѣ устье Ижеры, хотяче восприяти Ладогу, просто же реку и Новъшродь и всю область Новгородьскую. Но еще преблагый, премилостивый человѣколюбець Богь ублюде ны и защити от иноплеменьникь, яко всуе трудишася без Божия повелѣния: приде бо вѣсть в Новъгородъ, яко Свѣи идутъ къ Ладозѣ. Князь же Олександръ не умедли нимало с новгородци и с ладожаны приде на ня, и побѣди я силою святыя Софья и молитвами владычица нашея Богородица и приснодѣвица Мария, мѣсяца июля въ 15, на память святого Кюрика и Улиты, в недѣлю на Сборъ святыхь отець 63Ѳ, иже в Халкидонѣ; и ту бысть велика сѣча СвЬемъ. И ту убиенъ бысть во­евода ихъ, именемъ Спиридонъ; а инии творяху, яко и пискупъ убь- енъ бысть ту же; и множество много ихъ паде; и накладше корабля два вятшихъ мужь, преже себе пустиша й к морю; а прокъ ихъ, ис­копавше яму, вметаше в ню бещисла; а инии мнози язвьни быша; и в ту нощь, не дождавше свѣта понедѣльника, посрамлени отъидоша. Новгородецъ же ту паде: Костянтинъ Луготиницъ, Гюрята Пинещи- ничь, Намѣсть, Дрочило Нездыловъ, сынъ кожевника, а всѣхъ 20 мужь с ладожаны, или мне, Богь вѣсть. Князь же Олександръ съ новгородци и с ладожаны придоша вси здрави въ своя си, схранени Богомъ и святою Софьею и молитвами всѣхъ святыхъ.

[1] Текст воспроизводится по кн.: Новгородская Первая летопись старшего и млад­шего изводов / Под редакцией и с предисловием А. Н. Насонова. М.; Л., 1950. С. 77.

Известие это относится к Новгородскому архиепископскому летописанию того вре­мени, когда оно велось при соборе святой Софии и дополнялось летописцами церкви святого Якова. Данное известие, не зависящее от Жития Александря Невского, — силь­ный аргумент в пользу действительности самого события, т. е. Невской битвы.